د بغلان ولایت له پېښو سره د مبارزې آمادګۍ ریاست له ۱۴ سېلاب ځپلو کورنیو سره ۹,۵۱,۲۳۰ افغانۍ نغدي مرسته وکړه
د بغلان ولایت له پېښو سره د مبارزې د آمادګۍ ریاست د AKAH مؤسسې په مالي ملاتړ، د دهنه غوري ولسوالۍ ۱۴ هغو کورنیو ته چې د سېلابونو له امله یې کورونه زیانمن شوي و، د خپلو کورونو د بیا رغونې لپاره هرې کورني ته ۶۷,۹۴۵ افغانۍ نغدي مرسته ووېشله.
دغه مرستې چې ټولټال ۹,۵۱,۲۳۰ افغانۍ جوړېدې، د یاد ریاست، د ولسوالۍ او د مؤسسې استازو په حضور کې وویشل شوې. ټاکل شوې ده چې د بیا رغونې د کار د پرمختګ په اساس به پاتې قسطونه هم ورکړل شي.
د مرستو ترلاسه کوونکو کورنیو د خوښۍ څرګندونه وکړه او له دې ګام څخه یې مننه وکړه.
نیټه: ۱۴۴۶/۵/۲۸
له پیښو سره د مبارزې آمادګۍ ملي اداره
