د جوزجان ولایت له پېښو سره د مبارزې آمادګۍ ریاست ۱۷۸ کورنیو ته روغتیایي کېټونه ووېشل او د پاکو اوبو په اړه یې د پوهاوي پروګرام ترسره کړ
له پېښو سره د مبارزې آمادګۍ ملي ادارې او د سیکا موسسې ترمنځ د تفاهم نامې له مخې, یادې موسسې د جوزجان ولایت له پېښو سره د مبارزې آمادګۍ ریاست په همکارۍ, د شبرغان ښار په ۲۲ کلیو کې د اوبو شبکو د بیا رغونې, حفظ الصحې او د وچکالي د دوامداره حل تر نامه لاندې پروژه پلي کوي. چې له مخې یې ۱۷۸ کورنیو ته روغتیایي کېټونه ووېشل شول او هغوی ته د پاکو اوبو په اړه پوهاوی ورکړل شو.
همدارنګه د یاد ولایت له پېښو سره د مبارزې آمادګۍ ریاست رییس محترم مولوي سراج الدین سراجي د اوبو رسولو شبکې او د شبرغان ښار په مرغاب کلي کې یې په یاده پروژه کې شامل د ۲۶ پایخانو له جوړولو څارنه وکړه.
۱۴۴۶/۵/۱۷
له پېښو سره د مبارزې آمادګۍ ملي اداره
