۴۱ زیانمنو کورنیو د کابل ښار په ۷ ناحیه کې خوراکي مرستې ترلاسه کړې
نن ورځ شنبه, د کابل ښار ۷ ناحیې ۲۴ ګذر د لوړ تني کوټ سیمې د خلکو په غوښتنې او له پېښو سره د مبارزې آمادګۍ ملي ادارې مشرتابه د لارښوونې پر بنسټ, ۴۱ زیانمنو کورنیو ته خوراکي مرستې ووېشل شوې.
د دغو مرستو د وېش په ترڅ کې د بېړنیو علمیاتو د مرکز رییس محترم قاري محمد خوشحال زماني ووېل چې, له پېښو سره د مبارزې آمادګۍ ملي ادارې سرپرست د لارښوونې سره سم, ۴۱ کورنیو ته چې د سېلابونو له امله زیانمنې شوې وې, ۵۰ کیلو اوړه او ۲۵ کیلو وریجې هرې کورنۍ ته ووېشل شوې.
قاري صاحب زماني زیاته کړه چې, دا سیمه د سېلابونو له امله ویجاړه شوې وه او اوس مهال د پاک کاري چارې یې ترسره شوې.
د مرستو ترلاسه کونکو له پېښو سره د مبارزې آمادګۍ ملي ادارې له مشرتابه قدرداني او مننه وکړه او د لا زیاتې پاملرنې غوښتونکي شول.
نېټه: ۱۴۴۶/۰۴/۱۰
له پېښو سره د مبارزې آمادګۍ ملي اداره
