د جایکا موسسې د مشر سره د ادارې د بهرنیو اړیکو ریاست تخنیکي غونډه ترسره شوه
پرون سهار له پېښو سره د مبارزې آمادګۍ ملي ادارې او د جایکا موسسې ترمنځ د دواړو سازمانونو د ګډو پروګرامونو په اړه تخنیکي غونډه د دې ادارې په انګړ کې ترسره شوه.
دغه غونډه د بهرنیو اړیکو آمر محترم برهان الدین خان, د روزنې او د ادارې د پراختیا آمر محترم صاحب زاده او د جایکا موسسې مشر هاتوري او د یادې موسسې مرستیال مینانو ترمنځ ترسره شوه.
په دې غونډه کې په نږدې راتلونکې کې په ترکیه هیواد کې ترسره کیدونکې په روزنیز ورکشاپ کې د ادارې د کارکونکو ګډون او په جاپان هیواد کې د علمي پروګرامونو ترسره کېدو او په دغو پروګرامونو کې د ادارې د متخصصینو د ګډون په اړه تخنیکي بحث وشو, او همدارنګه د یادې موسسې لخوا د دې ادارې د اړتیا وړ تخنیکي وسایلو او تکنالوژۍ د پېرلو په اړه د دواړو لوریو ترمنځ خبرې وشوې.
د ربیع الاول ۲۲ مه -۱۴۴۶
له پېښو سره د مبارزې آمادګۍ ملي اداره
