پیښو ته د چمتووالي او رسیدنې ملي ادارې سرپرست له سېلاب ځپلې سیمي دشت برچي څخه لیدنه وکړه او له زیانمنو سوې کسانو سره ئې مرسته وکړه
کابل، ۱۸ صفرالمظفر ۱۴۴۶
نن سهار پېښو ته د چمتووالي او رسیدنې ملي ادارې سرپرست محترم الحاج ملا نورالدین ترابي د کابل ښار ده ۱۳مې ناحیې په دشت برچي سیمه کې له سېلاب ځپلو څخه لیدنه وکړه او له زیانمنو سوې کسانو سره ئې د زړه سوي څرګندونې وکړی او د هغوې لپاره ئې د خوراکي توکو مرستې ووېشلې.
محترم ترابي صاحب د دې مرستې د وېش پر مهال له زیانمنو کسانو سره د خواخوږۍ څرګندونې وکړې او زیاته یې کړه چې په ډېرو ولایتونو کې سېلابونو خلګو ته زیان رسولې دی او د ټول هېواد په کچه سروې او ارزونه روانه ده، نن د دشت برچي په سیمه کې له هغه ۶۶ کورنیو سره د خوراکي او غیری خوراکي توکو مرسته وسوه چې کورونه یې ویجاړ سوې دې او لا هم په نورو سیمو کې سروې جریان لري چې تر بشپړیدو وروسته به زیانمنو سوی کسانو ته مرستې ورکول کیږې .
د یادي ادارې سرپرست وویل هغه کورونه چې په بشپړ ډول ویجاړ سوی، د خوراکي توکو ترڅنګ یو یو باب خیمه هم ورته ورکول کیږې .
ترابي صاحب له بشري موسسو څخه هم غوښتنه وکړه چې هره موسسه دې په خپل اړونده برخه کې له سېلاب ځپلو کسانو سره مرستې وکړئی .
دا هم باید وویل شي چې ۱۰۰ کیلو اوړه، ۲۵ کیلو وریجې، ۵ لیتره غوړي، یو کارتن شیدې او ۴ تختی کمپلې هرې کورنۍ ته ورکول سولی او د بشپړ ویجاړ کورونو لپاره هم یو یو باب خیمه ووېشل شوه.
په همدې حال کې د دې مرستو ترلاسه کوونکو له پیښو ته د چمتووالی او رسیدنې ملی ادارې څخه مننه وکړه او د لا زیاتو مرستو غوښتنه ئی هم وکړه.
