۶ میلیونه ۵۱۲ زره افغانی نغدې پیسې د میدان وردګ ولایت کې ۲۹۶ سېلاب ځپلو کورنیو ته ویشل شوې
میدان وردګ - ۱۵ صفرالمظفر ۱۴۴۶
د میدان وردګ ولایت پیښو ته د چمتووالی او رسیدنی ریاست په همکارۍ د ډی آر سي موسسې سره، هغه ۲۹۶ کورنیو ته چې په چک ولسوالۍ کې د وروستیو سېلابونو له امله زیانمن شوې وې، له سروی وروسته نغدي مرستې وویشلې.
ویل کیږي، چې هرې کورنۍ ته ۲۲,۰۰۰ افغانی نغدې پیسې ویشل شوې دي.
دا هم یادونه شوې، چې په دې ولایت کې په نورو ولسوالیو کې د مرستو د سروې او ویشلو پروسه روانه ده.
