پېښو ته د رسېدو په چارو کې د دولت وزارت د مالي او اداري عمومي رییس د پلټنې عالي ادارې له پلاوي سره چې په پام کې ده د دې وزارت د بېلابېلو برخو به پلټنه وکړي، د خپل کار په دفتر کې وکتل
کابل- د سلواغې ۱۸مه-۱۴۰۲
په دې کتنه کې پېښو ته د رسېدو په چارو کې د دولت وزارت د یو شمېر مرکزي دفترونو رییسانو او د پلټنې ادارې پلاوي ګډون وکړ.
په پیل کې محترم مولوي عبدالرحمن زاهد پېښو ته د رسېدو په چارو کې د دولت وزارت د مالي او اداري عمومي رییس د دې وزارت د فعالیتونو او پروګرامونو په اړه په خبرو سره ووېل چې د دغه وزارت ټولې کاري چارې د ا.ا.ا د قوانینو او مقرراتو او په بشپړ صداقت سره ترسره کېږي.
محترم مولوي صاحب زاهد په اسلام کې د پلټنې د اهمیت په اړه په یادونې سره ووېل چې د دې وزارت ټول مسوولین د پلټنې عالي ادارې د پلوټونکو کاري پروسې ترسره کولو لپاره همکاري کوي او د اړتیا په وخت کې به چې هرڅه لازم وي د هغوۍ په اختیار کې ورکړي.
ورپسې د پلټنې عالي ادارې پلاوي د ادارې موخو او کاري پروسې په اړه د معلوماتو په وړاندې کولو سره ووېل چې د دولتي ادارو پلټنې موخه له چارواکو سره د هغوۍ موخو ته د رسېدو لپاره همکاري او په مالي، اداري، زیربنایي او نورو برخو کې د هغوۍ ستونزو ته د حل لارې رامنځته کول ده.
په پاۍ کې پېښو ته د رسېدو په چارو کې د دولت وزارت د مالي او اداري عمومي رییس د مرکزي دفترونو مسوولینو ته لارښونه وکړه چې د پلټنې عالي ادارې پلټونکو سره همکاري وکړي او د پلټنې عالي ادارې مسوولینو ته یې ډاډ ورکړ چې شخصآ په خپله به له دې پروسې څخه څارنه وکړي.
