پېښو ته د رسېدو په چارو کې د دولت وزارت په مشرۍ عملیاتي ټیمونو د کابل ولایت سېلاب ځپلو سیمو څخه لیدنه او زیانمنو ته یې رسېدنه وکړه
کابل- د زمري ۲مه-۱۴۰۲
محترم عبدالله محمدي پېښو ته د رسېدو په چارو کې د دولت وزارت د بېړنیو حالاتو د عملیاتو مرکز رییس او د محترم محمد سلیم حقانی د کابل ولایت پېښو سره د مبارزې رییس، د کابل ولایت پغمان ولسوالۍ په بره (لوړه) د ارغندې کلي په صدیق او بادام قل سیمه کې د تېرې شپې سختو بارانونو او سیلابونو څخه زیانمنو سیمو ته سفر وکړ او زیانمن شویو ته یې رسېدنه وکړه.
لومړۍ د بېړنیو حالاتو د عملیاتو مرکز رییس او کابل ولایت پېښو سره د مبارزې رییس سره په ګډه د کورنیو چارو وزارت، د کلیو پراختیا وزارت، د ملي دفاع وزارت، د ټولګټو وزارت او د کابل ښاروالي عملیاتي ټیمونو سره په همغږي د سیلابونو له امله تړل شوې لارې پرانیستلې، شهیدان یې خپلو ورثه او ټپیان یې د درملنې لپاره د کابل ښار روغتونونو ته انتقال کړل.
د یادونې وړ ده چې د دې سېلابونو له امله ۷ کسان شهیدان، ۳۰ کسان ټپیان، سلګونه جریب کرنیزه ځمکه او یو شمېر څاروي لمنځه تللي همدارنګه عملیاتي ټیمونو په سیمه کې د یو تن جسد موندلې او په سیمه کې هېواد والو ته د رسېدنې په موخه شتون لري.
