مبلغ ۵ میلیون ۴۰۰هزار افغانی پول نقد برای ۵۴ ورثه شهید در ولسوالی زلزلهزده گیان توزیع شد
۵ میلیونه او ۴۰۰ زره نغدي افغانۍ د ۵۴ شهیدانو ورثه ته په ګیان ولسوالۍ کې ووېشل شوې
ګیان- د تلې ۱۳مه-۱۴۰۱
الحاج مولوي شرف الدین مسلم، پېښو ته د رسېدو په چارو کې د دولت وزارت مرستیال او زلزلې ځپلو ته د مرستو د تنظیم کمېسیون سرپرست ګیان ته د خپل سفر په ترڅ کې د شیخ کلیم الرحمان د زلزلې لپاره د مرستو چارو د تنظیم کمېسیون غړي په ملتیا، په ګیان ولسوالۍ کې د زلزلې له امله د ۵۴ شهیدانو ورثه، هر یو ته ۱۰۰ زره نغدي افغانۍ ووېشلې.
پېښو ته د رسېدو په چارو کې د دولت وزارت مرستیال او زلزلې ځپلو ته د مرستو د تنظیم کمېسیون سرپرست، د شهیدانو اروا ته په دعا او د هغوۍ بازماندګانو سره په خواښوږۍ ووېل: د اسلامي او انسان دوستانه وجیبې او مسوولیت پر بنسټ، د شهیدانو ورثه ته چې د کور ټول غړي یې شهیدان شوي او یا له ۵ نه تر ۱۸ د کورنۍ غړي یې شهیدان شوي و، هغوۍ ته ۵ میلیونه او ۴۰۰ زره افغانۍ ووېشل شوې.
ښاغلي مسلم زیاته کړه چې پېښو ته د رسېدو په چارو کې د دولت وزارت ژمن دې ترڅو د طبیعي پېښو له امله زیانمن شویو ته په ټول هیواد کې په یو ډول بشري مرستې ووېشي او رسېدنه وکړي.
