پېښو ته د رسېدو په چارو کې د دولت وزیر د نړۍ په کچه د کډوالۍ نړیوال سازمان عمومي مرستیال سره لیدنه وکړه
کابل- د وږي ۶مه-۱۴۰۱
محترم الحاج ملا محمد عباس آخند پېښو ته د رسېدو په چارو کې د دولت وزیر په خپل کاري دفتر کې د یوګاچي دانیلز د نړۍ په کچه د کډوالۍ نړیوال سازمان عمومي مرستیال او ماریا موتای په افغانستان کې د کډوالۍ نړیوال سازمان رییس سره، د دغه وزارت سره د کډوالۍ نړیوال سازمان د همکاري بیا پیلېدو او د زیانمن شویو لپاره د بشري مرستو د وېش په اړه لیدنه او خبرې وکړې.
په دې ناسته کې یوګاچي دانیلز د نړۍ په کچه د کډوالۍ نړیوال سازمان عمومي مرستیال ووېل: د کډوالۍ نړیوال سازمان دا مهال د بشري مرستو، ټولنیز ثبات او د کډوالۍ مدیریت پروګرامونه د دولتي او بشري همکارانو سره او همدارنګه په افغانستان کې د سیمه ییزو چارواکو سره په ګډه پلي کوي.
یوګاچي دانیلز په افغانستان کې د وقایوي پروژو د پلي کېدو او زیانمن شویو ته د بشري مرستو د وېش په اړه خبرې وکړې او همدارنګه په نږدې راتلونکي کې یې د پېښو د مدیریت په برخه کې د کډوالۍ نړیوال سازمان د کړنو او د همکاري ژمنتیا څخه خبر ورکړ.
وروسته محترم الحاج ملام محمد عباس آخند پېښو ته د رسېدو په چارو کې د دولت وزیر د ښه راغلاست ترڅنګ په افغانستان کې د کډوالۍ نړیوال سازمان فعالیتونو څخه په ځانګړي توګه د خطرونو کمولو او د پېښو له امله زیانمن شویو ته د رسېدنې په برخه کې ستاینه وکړه او پېښو ته د رسېدو په چارو کې د دولت وزارت او د (IOM) د دفتر ترمنځ د همغږي او همکاري پیاوړي کېدو غوښتونکۍ شو.
په دې لیدنه کې دواړو خواوو د همغږي بیا پیلولو او د هېواد په کچه د پېښو مدیریت معلوماتي سیسټم، د وقایوي پروژو پلي کېدو، زیانمن شویو ته د بشري مرستو د وېش په برخه کې د همکاري پر پیاوړي کولو باندې خبرې او خپل نظرونه یې تبادله کړل.
په پای کې دواړو خواوو ژمنه وکړه ترڅو د یادو موضوګانو د بشپړولو په برخه کې د دواړو خواوو ټیمونه کار وکړي.
د یادونې وړ ده چې په دې غونډه کې جواني کاسانی، د IOM دفتر د عمومي مرستیال سلاکار، هش کارل، په افغانستان کې د IOM د دفتر مرستیال، ډاکټر سلیم خالد د IOM د دفتر اړیکو مسسول، مولوی عبدالرحمن آخند زاده د دفتر رییس او الحاج مولوی شمس الدین حقیار د دغه وزارت د بهرنیو اړیکو رییس هم شتون درلود.
