د WFP مؤسسې لخوا په ۱۶۳ سېلاب ځپلو کورنیو خوراکي توکي ووېشل شول
۱۴۴۴/۱/۹
په میدان وردګو ولایت کې د پېښو پر وړاندې چمتووالي ریاست سره په همغږۍ WFP مؤسسې په ۱۶۳ سېلاب ځپلو کورنیو خوراکي توکي ووېشل.
د پېښو پر وړاندې د چمتووالي ریاست رییس مولوي فیض الله جلالي وویل، د WFP یاده مرسته د ولایت په کچه په هغو ۱۶۳ کورنیو وېشل کېږي، چې وروستیو سېلابونو یې کورونه ویجاړ کړي وو او په دغه مرسته کې، د ۲۰ زرو افغانیو په ارزښت ۲ سوه کیلو ګرامه اوړه، ۲۰ لېتره غوړي، ۲۵ کیلو ګرامه اوړه، د ماشومانو لپاره بسکوېت او غذایي مواد شامل وو.
د مرستې د وېش پر وخت ښاغلي جلالي زیاته کړه، په ولسوالیو کې مو لاهم د هغو زیانمنو کورنیو سروې دوام لري، چې ځمکې او کرنیز محصولات یې لمنځه تللي دي.
د یادولو ده، چې درې ورځې مخکې هم له یاد ریاست سره په همغږۍ خیریه مؤسسو په یادو ۱۶۳ کورنیو د ۶۵ زرو افغانیو په ارزښت نغدي مرسته او غیرخوراکي توکي ووېشل.
