پېښو ته د رسېدو په چارو کې د دولت وزارت اداري ناسته ترسره شوه
کابل – مرغومی – ۱۶مه - ۱۳۹۹
دا ناسته د ښاغلي غلام بهاوالدین جیلاني پېښو ته د رسېدو په چارو کې د دولت وزیر په مشرۍ، ښاغلي مطیع الله صافۍ مالي او اداري مرستیال، ښاغلي محمد قاسم حیدري د پېښو چارو د همغږۍ مرستیال، رییسانو، مشاورینو او اړوندو برخو آمرینو په شتون ترسره شوه.
پدې ناسته کې پېښو ته د رسېدو په چارو کې د دولت وزیر د ژمي پېښو ته د رسېدو او مدیریت عملیاتي ملي پلان او د افغانستان اسلامي جمهوریت د کابینې لخوا د هغه په تصویب خبرې وکړې، او د پلان پلي کولو لپاره د سرچینو په چمتو کولو باندې ټینګار وکړ.
د ناستې په پای کې، ښاغلي جیلاني پدې ویلو سره چې د پېښو مدیریت په برخه کې د خلکو یوازینۍ هیله دا وزارت دې، د ۱۴۰۰ جوړښت وروستۍ کولو، د ژمي پېښو ته د رسېدو او مدیریت عملیاتي ملي پلان پلي کولو په پار اړینو ګامونو پورته کول او د ډله ییزو رسنیو سره د فعالیتونو شریکولو په اړه مسوولینو ته لازمې سپارښتنې وکړې.
په اخیره کې، محبوب الله حقبین د ټرانسپورټ عمومي مدیر او شاداب طیب د مقام همغږي کوونکې او ژباړن، د دوی د ښو خدمتونو له امله د دریمې درجې په ستاینلیکونو وستایل شول.
