پېښو ته د رسېدو په چارو کې د دولت وزیر میدان وردګ ولایت ته ورسېد
میدان وردګ- د لړم ۲۲مه -۱۴۰۱
الحاج ملام محمد عباس آخند، پېښو ته د رسېدو په چارو کې د دولت وزیر، پداسې حال کې چې مولوي احمد شاه ذهین د دغه وزارت د پېښو چارو کارپوه ورسره ملتیا کوله، میدان وردګ ولایت ته سفر وکړ او د مولوي الحاج محمد امین عمري د میدان وردګ ولایت والي، مولوي شیر احمد د ولایت مرستیال او مولوي فیض الله جلالي د دغه ولایت د پېښو سره د مبارزې رییس سره یې وکتل.
په دې کتنه کې د میدان وردګ والي د ښه راغلاست ترڅنګ په میدان وردګ ولایت کې پر وروستیو سیلابونو باندې خبرې وکړې او زیانمن شویو ته پر وخت رسېدنې او مدیریت څخه په مننې سره ووېل: دغه ولایت د فصلي سیلابونو سره مخامخ دې چې هر کال خلکو ته درانه مالي، ځاني او کرنیز زیانونه اړوي.
ښاغلی عمري، پېښو ته د رسېدو په چارو کې د دولت وزیر څخه زیانمن شویو ته پر وخت د رسېدنې او وقایوي پروژو د پلي کولو غوښتنه وکړه.
وروسته الحاج ملا محمد عباس آخند پېښو ته د رسېدو په چارو کې د دولت وزیر، زیانمن شویو ته بشردوستانه مرستو د وېش په اړه ووېل: ۱۱ قلمه خوراکي او غیرخوراکي توکي چې، اوړه، وریجې، غوړي، بسکېټ، مګي آش، مربا، څپلکې، جامې، غنم، د حبوباتو کنسر او چپس دغه ولایت ته لېږل شوي دي.
پېښو ته د رسېدو په چارو کې د دولت وزیر، میدان وردګ ولایت ته د لازیاتو مرستو ژمنه ورکړه.
ورته مهال د میدان وردګ ولایت پېښو سره د مبارزې رییس، د وروستیو سیلابونو له امله رامنځته شویو ځاني او مالي زیانونو په اړه د معلوماتو په وړاندې کولو سره ووېل: د ۳۰ زره څخه زیاتو کورنیو ته خوراکي، غیرخوراکي او نغدي مرستې وېشل شوي او د وېش لړۍ روانه دی.
پېښو ته د رسېدو په چارو کې د دولت وزیر، د میدان وردګ ولایت پېښو سره د مبارزې ریاست څخه وغوښتل ترڅو د زیانمن شویو سیمو څخه دقیقه سروې ترتیب کړي او د نورو کړنو لپاره یې مرکز ته ولېږي.
