په پکتیکا ولایت کې 100 زیانمن شوو کورنیو خوراکي او غیر خوراکي توکې ترلاسه کړل
د پکتیکا ولایت پېښو پر وړاندې چمتووالي ریاست د کلیو پراختیا ریاست سره په همکارۍ, 100 کورنیو ته چې د دی ولایت په مرکز کې د وروستیو سېلابونو له امله کورونه یې په بشپړه او نیمه توګه وېجاړ شوي وو, خوراکي او غیر خوراکي توکې ووېشل.
95 زیانمن شووو کورنیو ته چې کورونه یې لمینځه تللي وو, د خوراکي توکو دوه کڅوړې او د پخلنځي یو کېټ, او 5 کورنیو ته چې کورونه یې په نیمه توګه وېجاړ شوي وو, د خوراکي توکو یوه کڅوړه چې 50 کیلو اوړه, 20 کیلو وریجې, 5 لیټره غوړي, 3 کیلو لوبیا, 3 کیلو بوره, 2 کیلو مالګه, یو کیلو شین چای, یو دانه سطل او دوه د اوبو ډبې په کښې کې شاملې دي, د ولایت مقام مرستیال, د پېښو سره مبارزې رییس او د کلیو پراختیا رییس په شتون ووېشلې.