په لغمان کې ۶۳ زیانمنو کورنیو ته غیر خوراکي مرستې ووېشل شوې

مهترلام - ۱۷ صفرالمظفر ۱۴۴۶
د لغمان ولایت پیښو ته د چمتووالي او رسیدنی ملی ریاست د کډوالۍ نړیوال سازمان په همکارۍ له پېښو څخه زیانمنو شویو کسانو ته په مهترلام او د یاد ولایت په پنځو نورو ولسوالیو کې غیر خوراکي مرستې ووېشلې.
په دې روند کې یاد دفتر هرې کورنۍ ته د آشپزخونی کټ، درې کمپلې، د حفظ الصحې کټ، د سرپناه کټ، د جامو کټ او د سولر څراغ ورکړل، همدارنګه هغو ۱۲ کورنیو ته چې کورونه یې په بشپړ ډول ویجاړ شوي وو، یوه یوه خیمه هم ورکړل شوه.
په داسې حال کې ده چې دغو کورنیو ته پرون هم خوراکي مرستې وېشل شوې وې.
د یادونې وړ ده چې د دغو مرستو ترلاسه کوونکو له پیښو ته د چمتووالی او رسیدنی ریاست او یاد دفتر څخه مننه وکړه.