له پېښو سره د مبارزې آمادګۍ ملي ادارې سرپرست په افغانستان کې د UN-OCHA له رئیسي سره وکتل
نن ورځ چهار شنبه، له غرمې مخکې له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي په خپل کاري دفتر کې د اوچا له سرپرستي رئیسي سنجانا قاضي، د اوچا مرستېال محمد زید خاطر او د اړیکو دمسؤل شمس خلیلي سره وکتل.
ترابي صاحب د اوچا د دفتر راغلي پلاوي ته د ښه راغلاست ترڅنګ وویل چي خوښ یو چي یو د بل سره همکاري کوو او موږ تل هڅي کړي دي چي د بیلابیلو سازمانونو او مؤسیسو کارونه په چټکۍ سره خلاص کړو تر څو خلګو ته پر وخت مرسته ورسول سي او موږ په خپل اداره کي پوره شفافیت راوستلې دې او خپل کارونه مو ګړندي کړي دي. نوموړي زیاته کړه چې دا اداره له ټولو مرستندویه ادارو سره له هرې ممکنه لارې همکاري او ملاتړ کوي.
ورسته د اوچا د دفتر رئیسي سنجانا قاضي وویل چي له پېښو سره د مبارزې آمادګۍ ملي ادارې په کارونو کې چټکتیا روښانه ده او موږ له تاسوڅخه مننه کوو چي کارونه مو په چټکۍ روان کړي دې. اغلي همدارنګه څرګنده کړه چې د تېرو کلونو په پرتله به په راتلونکي کال کې د پېښو د مدیریت او بشرې مرستو په برخه کې ډېره پاملرنه وشي.
هغوی وویل چې تیر کال موږ په افغانستان کي ۳ میلیارده ډالره په بشري مرستو او د اساسي اړتیاوو په برخه کي مصرف کړي دي او سږکال مو د ۲.۴ میلیارده ډالرو غوښتنه کړې ده چي تر وسه مو ۸۳ میلونه ډالره ترلاسه کړي دي.
په ورسیتو کي د دواړو لورو لخوا ژمنه وسوه چي په ګډه به هغه ستونزي له منځه وړو چي خنډونه یې رامنځته کړي دي.
نیټه: ۱۴۴۶/۷/۲۱ هــ ق
له پېښو سره دمبارزې امادګۍ ملي اداره
