له پېښو سره د مبارزې آمادګۍ ملي ادارې سرپرست په افغانستان کي د قزاقستان د سفیر سره وکتل
نن شنبه، له پېښو سره د مبارزې آمادګۍ ملي ادارې سرپرست الحاج ملانور الدین ترابي د قزاقستان د سفیر ګازیز اکباسوف او ورسره راغلي پلاوي سره په خپل کاري دفتر کي وکتل.
ترابي صاحب راغلي پلاوي ته ښه راغلاست وویل او له پیښو سره د مبارزې آمادګۍ ملي ادارې پر لاسته راوړانو او مشکلاتو یی ګډ بحث وکړ او یادونه یی وکړه چي په افغانستان کي زیات شمیر خلګ د غربت او بي وزلۍ سره مخ دي او مرستو ته جدي اړتیا لري.
همدا راز ترابي صاحب زیاته کړه چي قزاقستان هیواد تل زموږ سره د مرستو په برخه کي زیاته همکاري کړي ده او موږ ورڅخه منندوی یو او په راتلونکي کي یې د لازیاتو همکاریو او مرستو غوښتنه وکړه.
د قزاقستان سفیر ښاغلي ګازیز اکبا سوف د یادي ادارې د سرپرست څخه مننه وکړه او افغانستان یې د قزاقستان هیواد یو ښه دوست هیواد یاد کړ او د خپلو کړو مرستو یادونه یې وکړه او وویل چي لابه هم خپلو مرستو ته دوام ورکوو ترڅو لا هم د دغه دوو هیوادونو اړیکي سره پیاوړي سي.
ښاغلي اکبا سوف زیاته کړه، هغه مرستي چي مونږ یې د افغانستان هیواد سره کوو د خپلو تولیداتو څخه دي او بعضي اجناس او توکي د نورو هیوادو څخه خریداري کوو او ستاسو سره یې د مرستي په شکل شریکوو.
دغونډي په ورستیو کي د قزاقستان سفیر د ترابي صاحب څخه غوښتنه وکړه چي تاسو د هغو خوراکي او غیر خوراکي اجناسو لیست چی تاسو ضرورت ورته لرۍ، مونږ ته یې راکړئ مونږ به انشاالله ستاسو سره په لنډ وخت کي مرسته وکړو او ترابی صاحب ورته ډاډ ورکړ چی په دوو ورځو کی به لیستونه تاسو ته رسماً وسپارو.
نیټه: ۱۴۴۶/۷/۱۰ هــ ق
له پېښو سره د مبارزې آمادګۍ ملي اداره
