له پېښو سره د مبارزې آمادګۍ ملي ادارې سرپرست د ګېټس بنسټ د مشاوري سره وکتل
نن ورځ سه شنبه، له پېښو سره د مبارزې آمادګۍ ملې ادارې سرپرست الحاج ملا نورالدین ترابي د ګېټس بنسټ د مشاوري انا ماریا، د WHO د استازي ډاکټر خوشال زمان او روضت الله ضیاء سره په خپل کاري دفتر کي وکتل.
ترابي صاحب له هرڅه وړاندي راغلي پلاوي ته ښه راغلاست وویل او زیاته یې کړه چي ګېټس بنسټ تل د افغان اولس سره بیلابیلي مرستي کړي او تل یی د افغانستان سره همکاري کړي ده.
همداراز ترابي صاحب زیاته کړه چي د پیښو د مدیریت، د بشري کمکونو مديريت کول، د ماينونو د خطراتو په او عامه پوهاوي په برخو کي دیادي ادارې سره مرستي وکړي.
ګېټس بنسټ د مشاوري انا ماریا، له پیښو سره د مبارزې آمادګۍ ملي ادارې دسرپرست څخه مننه وکړه چي موږ ته مو وخت راکړ او زیاته یی کړه چي د یادي ادارې سره باید بیلابیل سازمانونه او مؤسیسې مرستي وکړي او موږ به تل هڅه وکړو چي ددې ادارې سره همکاره پاته سو.
نیټه: ۱۴۴۶/۸/۱۲ هــ ق
له پېښو سره د مبارزې آمادګۍ ملي اداره
