له پېښو سره د مبارزې آمادګۍ ملي ادارې سرپرست د تخته پُل په ولسوالۍ کې د هغو کډوالو له کمپ څخه لیدنه وکړه چی د بولدک د ولسوالۍ له لارې د پاکستان هیواد څخه په اجباری توګه را ایستل کیږي.
نن ورځ له غرمې وروسته، له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي، د تخته پُل په ولسوالۍ کې د هغو کډوالو له کمپ څخه لیدنه وکړه چی د بولدک د ولسوالۍ له لارې د پاکستان هیواد څخه په اجبارۍ توګه را ایستل کیږي.
محترم ترابي صاحب دغه کمپ ته د سفر په ترڅ کې د کمپ د موجودو امارتي او غیر امارتي نړیوالو مؤسسو د دفترونو څخه لیدنه وکړه او د کمپ د مسؤل ملا رحمت الله اخند څخه یې په داسي حال کې هر اړ خیزه معلوماتونه واوریدل چي د کندهار ولایت د مهاجرینو ریس مولوي بادام صاحب، د کندهار ولایت د ترانسپورت ریس مولوی آدم صاحب او نورو امارتي مسولینو شتون درلود او له پېښو سره د مبارزې آمادګۍ ملي ادارې سرپرست، د یادو موسسو مسؤلینو څخه د ښه خدمت کولو لپاره مننه وکړل.
همداراز ترابي صاحب کډوال د ستونزو پر وړاندې زغم او استقامت ته وهڅول او ووېل چې د ا.ا.ا د دوی لپاره د لومړنیو اسانتیاوو برابرولو لپاره هر اړخیزۍ هڅې کړې دې او کوی یې او کډوالو ته یې ډاډ ورکړ چي د ا.ا.ا د دوی سره هر نوع همکارۍ ته ژمن او چمتو دي.
نېټه: ۱۴۴۶/۱۰/۰۷ هــ ق
له پېښو سره د مبارزې آمادګۍ ملي اداره
