له پېښو سره د مبارزې آمادګۍ ملي ادارې د پېښو چارو د انسجام معین د کندز ولایت له پېښو سره د مبارزې آمادګۍ ریاست لپاره د اداري ودانۍ د جوړولو په موخه له ځانګړې شوې ځمکې څخه لیدنه وکړه
له پېښو سره د مبارزې آمادګۍ ملي ادارې د پېښو چارو د انسجام معین، محترم الحاج ملا عبدالولي څارنوال (حاجي وارث)، کندز ولایت ته د خپل رسمي سفر په ترڅ کې، د کندز ولایت له پېښو سره د مبارزې آمادګۍ ریاست له رئیس، محترم مولوي شفیقالله جواد، سره یوځای، له هغې ځمکې څخه لیدنه وکړه چې د یاد ریاست لپاره د اداري ودانۍ د جوړولو په موخه ځانګړې شوې ده.
د یادونې وړ ده چې د پېښو چارو د انسجام محترم معین تر دې وړاندې د کندز ولایت له محترم والي سره په کتنه او ناسته کې د یاد ریاست لپاره د ځمکې د ځانګړې کېدو موضوع شریکه کړې وه، چې په پایله کې دا ځمکه د ولایت مقام له لوري منظور شوه.
د پېښو چارو د انسجام محترم معین، د سیمې له لیدنې وروسته، د کندز ولایت له پېښو سره د مبارزې آمادګۍ رئیس، محترم مولوي شفیقالله جواد، ته د تخنیکي چارو د تعقیب، د اسنادو د برابرولو او د اداري ودانۍ د جوړولو د بهیر د چټکتیا په برخه کې لازمې او مشخصې لارښوونې وکړې او ټینګار یې وکړ چې اړین اقدامات دې د اړوندو ادارو سره په همغږۍ ژر تر سره شي.
د یادونې ده چې ځانګړې شوې ځمکه د کندز ښار په پنځمه ناحیه کې موقعیت لري، چې اوږدوالی یې ۶۱ متره او پلنوالی یې ۴۱ متره دی، او ټولیز مساحت یې ۲۶۱۳,۳۷ متر مربع ته رسېږي.
نېټه:۱۴۴۷/۷/۰۹ هـ ق
له پېښو سره د مبارزې آمادګۍ ملي اداره
