د کندهار ولایت په دامان ولسوالۍ او مرکز کندهار ښار کې ۱۵ بېلابېل ډوله ناچاوده توکي کشف او خنثی شول
د کندهار ولایت له پېښو سره د مبارزې آمادګۍ ریاست په همغږۍ، د هیلو ټرسټ ماین پاکۍ مؤسسې د (EOD-01) ټیم او د DRC مؤسسې د (AIM-05) ټیم د کندهار ولایت د دامان ولسوالۍ د مرغانچه کلي په سیمه کې یوه ناچاوده د توپ ١٢٢ میلي متري مرمۍ او د ولایت مرکز د کندهار ښار اوومې حوزې اړوند په نودهه کلي کې ۱۴ بېلابېل ډوله ناچاوده توکي کشف او په خوندي ډول خنثی کړل.
د کندهار ولایت له پېښو سره د مبارزې آمادګۍ ریاست له خلکو غوښتنه کوي چې د هر ډول چاودېدونکو او یا مشکوکو توکو د لیدلو په صورت کې دې له لمس کولو او نږدې کېدو څخه ډډه وکړي او ژر تر ژره دې اړوندو امنیتي او مسؤلو ادارو ته خبر ورکړي، ترڅو لازم اقدامات ترسره شي.
نېټه:۱۴۴۸/۲/۷ هـ ق
له پېښو سره د مبارزې آمادګۍ اداره
