د کندهار ولایت له پېښو سره د مبارزې آمادګۍ ریاست ۴۵ سېلاب ځپلو کورنیو ته خوراکي او غیرخوراکي مرستې ووېشلې 

د کندهار ولایت له پېښو سره د مبارزې آمادګۍ ریاست، د ملګرو ملتونو د بشري چارو د همغږۍ دفتر (OCHA) په همغږۍ او د IOM, Save the children، WFP،Intersos  او UNFPA بنسټونو په مالي ملاتړ، د وروستیو سېلابونو له امله ۴۵ زیانمنو کورنیو ته له سروې وروسته خوراکي او غیر خوراکي مرستې ووېشلې.

په دې لړۍ کې د مسؤلینو په شتون کې د کډوالۍ نړیوال سازمان IOM  لخوا هرې کورنۍ ته ۳ تختې توشکې، ۱ دانه سولري څراغ، ۱ د پخلنځي کېټ، ۲ عدده د اوبو ډبي او ۷ کورنیو هرې یوې ته په پورتنیو مرستو سربېره یو باب خېمه،  د WFP مؤسسې په مالي ملاتړ او د HOPA مؤسسې په تخنیکي همکارۍ هرې کورنۍ ته ۲۰۰ کیلو اوړه، ۲۰ لیټره غوړي، ۲۵ کیلو دال نخود، ۴۲ پاکټه بیسکټ او ۲ کیلو مالګه، د UNFPA مؤسسې لخوا هرې کورنۍ ته ۲ تختې ترپالونه، د Intersos مؤسسې لخوا هرې کورنۍ ته ۲ تختې توسان، یو د روغتیا ساتنې عمومي کيټ، یو د ښځینوو د روغتیا ساتنې کيټ، ۲ عدده ابدانونه او د Save the children مؤسيسي لخوا له یاد شمېر کورنيو څخه ۳۸ کورنيو هرې یوې ته یو د ترميم کيټ ووېشل شو چې بېلابېلو وسایلو پکې شتون درلود.  

د یاد ولایت له پېښو سره د مبارزې آمادګۍ ریاست د زیانمنو کورنیو لاسنیوی خپل مسؤلیت ګڼي او د یادو همکارو مؤسسو له دوامداره بشردوستانه همکاریو څخه مننه کوي.

نېټه: ۱۴۴۷/۱۱/۱۵ هـ ق

له پېښو سره د مبارزې آمادګۍ اداره