د ننګرهار ولایت له پېښو سره د مبارزې آمادګۍ ریاست د غني خېل ولسوالۍ خلکو ته د ژغورنې وسایل ووېشل
د ننګرهار ولایت له پېښو سره د مبارزې آمادګۍ ریاست د کډوالۍ نړیوال سازمان (IOM) په مالي همکارۍ, د یاد ولایت غني خېل ولسوالۍ ویاله شاه خېل او مامندو کلیو اړوند د کلیو مشرانو ته د بېړنیو حالاتو پر وړاندې د چمتووالي لپاره په دوو کانټینرو کې د ژغورنې وسایل ووېشل.
د یادونې وړ ده چې په دې وسایلو کې ۶۸ قلمه لومړني درمل او د بېړنیو حالاتو پر مهال کارېدونکي اړین وسایل شامل دي.
ورته مهال, د کلیو مشرانو له پېښو سره د مبارزې آمادګۍ ریاست او IOM سازمان څخه قدرداني وکړه, او دا وسایل یې اړین وبالل همدرانګه ویې وېل چې له دی وسایلو څخه به د بېړنیو حالاتو پر مهال ګټه واخلي.
نیټه: ۱۴۴۶/۰۹/۰۹
له پېښو سره د مبارزې آمادګۍ ملي اداره
