د میدان وردګ ولایت له پېښو سره د مبارزې امادګۍ ریاست ۱۵۵ سیلاب ځپلو کورنیو ته خوراکي او غیری خوراکي مرستې ووېشلې
د میدان وردګ ولایت له پېښو سره د مبارزې امادګۍ ریاست, د یاد ولایت په دایمیرداد ولسوالۍ کې ۱۵۵ سیلاب ځپلو کورنیو ته چې د وروستیو سېلابونو له امله یې کرنیز حاصلات او ځمکې ویجاړې شوې وې, له سروې وروسته خوراکي او غیر خوراکي مرستې ووېشلې.
دې لړۍ کې هرې کورنۍ ته ۲ بورۍ ۵۰ کیلویي غنم، یوه بوری ۲۵ کیلویي وریجې، یو عدد د اوبو بوشکه، یوه پاڼه د کلورین د کارولو لارښود، او ۳ کارتنه کلورین د اوبو د تصفیه کولو لپاره ووېشل شول.
د مرستو د وېش په مهال, د میدان وردګ ولایت له پېښو د مبارزې آمادګۍ رئیس, مولوي فیض الله جلالی له سیلاب ځپلو کورنیو سره خواخوږي څرګنده کړه، او زیاته یې کړه چې موږ تل هڅه کوو ترڅو د زیانمنو کورنیو لپاره د نورو مرسته زمینه هم برابره کړو.
نېټه: ۱۴۴۷/۰۱/۲۷ هـ ق
له پېښو سره د مبارزې آمادګۍ ملي اداره
