د اچین ولسوالۍ، د پېخې په عالي لېسه کې د طبیعي پېښو د خطرونو په اړه د پوهاوي ورکولو پروګرام ترسره شو
ننګرهار- د کب ۲مه-۱۴۰۱
پېښو ته د رسېدو په چارو کې د دولت وزارت د عامه پوهاوي ورکولو د پروګرامونو په ترڅ کې " د طبیعي پېښو د خطرونو په اړه د پوهاوي ورکولو پروګرام " د پېخې په عالي لېسه کې ترسره کړ.
دغه پروګرام د طبیعي پېښو له امله د احتمالي خطرونو پر وړاندې د چمتووالي په موخه د اچین ولسوالۍ ۵۰۰ اوسېدونکو لپاره ترسره شو.
د پوهاوي ورکولو په دغه پروګرام کې د پېښو خطرونو (سېلاب، زلزله) د پوهاوي بروشرونه هم ووېشل شول.
د یادونې وړ ده چې دغه –د طبیعي پېښو د خطرونو پوهاوې پروګرام- په هېواد کې یوه اړتیا ده چې پېښو ته د رسېدو په چارو کې د دولت وزارت ژمن دی چې د پوهاوي ورکولو دغه پروګرامونه به د هېواد په مرکز او ولایتونو کې هم په دولتي او خصوصي ارګانونو کې ترسره کړي.
