په بلخ ولایت کې د ۲۰۴ بېوزله کورنیو لپاره د پېښو خطرونو په اړه د پوهاوي پروګرام ترسره او خوراکي توکي ووېشل شول
له پېښو سره د مبارزې آمادګۍ ملي ادارې د محترم مقام په لارښوونه، په بلخ ولایت کې د دغه ادارې ولایتي ریاست ۲۰۴ بېوزله او زیانمنو کورنیو ته خوراکي مرستې ووېشلې او د پېښو خطرونو په اړه یې د پوهاوي ورکولو پروګرام ترسره کړ.
په دې پروګرام کې د دې ترڅنګ چې یاد شمېر هرې کورنۍ ته ۵۰ کیلو اوړه او ۲۵ کیلو وریجې ووېشل شوې، او همدارنګه د پېښو د خطرونو کمولو، د زلزلې، اورلګېدنې او سېلاب پر مهال د شخصي او ټولنیز خوندیتوب په اړه پوهاوی ورکړل شو، چې اټکل کېږي په غیر مستقیم ډول به ۱۴۲۸ کسانو ته دغه پوهاوی ورکړل شي.
نېټه: ۱۴۴۶/۱/۵
له پېښو سره د مبارزې آمادګۍ ملي اداره
