ننګرهار ولایت کي د پیښو پر وړاندي چمتووالی ریاست چتر لاندي ۱۹۹ فامیلونو سره ۳ میلونه، ۱۶۴ زره  او ۱۰۰ افغانیو نغدي کمک ترسره شو.

ننګرهارــــ۱۴ربیع الثاني۱۴۴۴
د ژغورني نړیوالي اداري (IRC) په مالي مرسته او پیښو پر وړاندي چمتووالي ریاست په همکاري ۱۹۹ فامیلونو سره د سرپنا ترمیمولو لپاره مرسته ترسره شوه چي ددي ریاست د چتر لاندي يی مخکي د خوګیاڼو ولسوالي چمتلي ښارګوټي، بربیار، کوز بیار، لوخۍ، وزیر او حکیم اباد کلیو کي  سروي ترسره شوي .
ذکر شوي هر فامیل ته ۱۵۹۰۰ افغانۍ وویشل شوي  دا يي دوهم قسط مرسته وه چي لومړي قسط يي مخکي ترلاسه کړي.
د ژغورني نړیوالي اداري  (IRC   )استازي مکرم فاروقي په وینا ددي مرستي په مصرفولو سره به د نوموړو فامیلونو د اوسیدو کورونو ترمیم چاري بشپړي شي او هستونګنځایونو دروازي، اشداري او نور مواد پوره شي.
د یادو مرستو ترلاسه کوونکو د پیښو پر وړاندي چمتووالي ریاست  څخه مننه او خوشحالي څرګنده کړه چي ددوي د سرپنا جوړولو لپاره يي ذکر شوي مرستي لپاره زمینه مساعده کړه او ډاډ يي وښود چي یاده مرسته به د سرپنا جوړولو او ترمیم په موخه مصرفوي.
په اخره کي د ننګرهار ولایت پیښو پر وړاندي چمتووالي ریاست استازي  د ذکر شوي مؤسسي د استازو څخه مننه ترسره کړه او زیاته يی کړه چي ننګرهار ولایت پیښو پر وړاندي چمتووالی ریاست ټول کارمندان د مؤسسو سره همکار دي ترڅو بي وزله او زیانمن شوي فامیلونه ته پر خپل وخت مرسته او کمک ورسیږي او مؤسسي استازو ته يي لارښونه وکړه چي خپل کارونه شفاف، دقیق او پرخپل وخت ترسره کړي تر څو ذکر شوي مرستي په خپل ځاي ولګیږي او د اړمنو کورنیو په درد دوا شي.