د کونړ ولایت له پېښو سره د مبارزې آمادګۍ ریاست ۱۷۵ کورنیو ته نغدي او ژمنۍ مرستې ووېشلې
له پېښو سره د مبارزې آمادګۍ ملي ادارې او د DRC موسسې ترمنځ د لاسلیک شوي هوکړه لیک له مخې, د کونړ ولایت له پېښو سره د مبارزې آمادګۍ ریاست د یادې موسسې په مالي ملاتړ, په ناړي او غازي آباد ولسوالیو کې ۱۷۵ سېلاب ځپلو, بېوزله او اړمنو کورنیو ته نغدي او ژمنۍ مرستې ووېشلې.
په دې لړۍ کې له پېښو سره د مبارزې آمادګۍ رییس الحاج قاري ثابت الله صدیقي او د موسسې د استازي په شتون کې هرې کورنۍ ۱۹,۱۴۰ افغانۍ او ۵ تختې کمپلې ترلاسه کړې, چې په مجموع کې ۳۳۴۹۵۰۰ (۳ میلیونه, ۳۴۹ زره او ۵۰۰) افغانۍ یاد شمېر کورنیو ته ووېشل شوې.
ورته مهال مستحقو کورنیو د مرستو له دغه ګام څخه قدرداني وکړه او د دی ډول پروګرامونو د دوام غوښتنه یې وکړه.
نيټه: ۱۴۴۶/۷/۱۷
له پېښو سره د مبارزې آمادګۍ ملي اداره
