د پکتیکا ولایت له پېښو سره د مبارزې آمادګۍ ریاست ۱۰ زیانمنو کورنیو ته خوراکي او غیرخوراکي مرستې ووېشلې

د پکتیکا ولایت له پېښو سره د مبارزې ولایتي کمېټې د پرېکړې له مخې، د یاد ولایت له پېښو سره د مبارزې آمادګۍ ریاست د WFP, UNHCR, UNICEF سازمانونو په همکارۍ، په برمل ولسوالۍ کې د پاکستان هیواد له لوري ترسره شوي د هوایي برید له امله ۱۰ زیانمنو کورنیو ته خوراکي او غیرخوراکي مرستې ووېشلې.
په دې لړۍ کې له سروې وروسته د سیمه ییزو مسؤلینو په شتون کې هرې کورنۍ ته د WFP موسسې له لوري ۲۰۰ کیلو اوړه، ۸.۲ لیټره غوړی، ۲۵ کیلو دال، ۲ کیلو مالګه ۳ کیلو د ماشومانو مواد، د مېرمنو لپاره WSD مواد، همدارنګه د UNICEF سازمان له لوري ۱۰ هایجن کېټونه، ۱۰ فامیلي کېټونه، ۱۰ ترپالونه، ۱۰ درجن صابون او د پخلنځي مکمل توکي او د دې ترڅنګ د UNHCR سازمان له لوري ۳۰ تختې کمپلې، ۱۰ عدده فلزي باکټ، ۱۰ پایه د ګاز ډبې، ۲۰ روغتیایي کېټونه، ۱۰ د پخلنځي کېټونه، ۲۰ تختې ترپالونه، ۲۰ دستمالونه او ۳۰ عدده صابون یاد شمېر کورنیو ته ووېشل شول. 
ورته مهال د مرستو ترلاسه کوونکو له پېښو سره د مبارزې آمادګۍ ریاست او یادو سازمانونو څخه مننه او خوښي څرګنده کړه.

نېټه:۱۴۴۶/۷/۱۵
له پېښو سره د مبارزې آمادګۍ ملي اداره