د ننګرهار ولایت له پېښو سره د مبارزې آمادګۍ ریاست ۱۹۱ زلزله ځپلو کورنیو ته په دره نور ولسوالۍ کې غیرخوراکي مرستې ووېشلې

له پېښو سره د مبارزې آمادګۍ ملي ادارې او د ماشومانو د ملاتړ موسسې (Save The Children)  ترمنځ د لاسلیک شوي هوکړه ‌لیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په مالي او تخنیکي همکارۍ، د دې ولایت د دره نور ولسوالۍ په بېلا بېلو سیمو د زلزلې له امله ۱۹۱ زیانمنو کورنیو ته غیرخوراکي مرستې ووېشلې. 

په دې لړۍ کې، د مسوولینو په شتون کې هرې کورنۍ ته ۴ تختې یو کسیزه کمپلې، یوه تخته دوه کسیزه کمپله، ۴ جوړه د هلکانو او نجونو ژمني بوټان، ۲ جوړه ښځینه او نارینه چرمي بوټان، ۲ عدده ښځینه او نارینه جاکټونه، ۵ عدده د هلکانو او نجونو جاکټونه، ۱۲ جوړه جرابې، ۴ جوړه دستکشونه، ۲ عدده ښځینه شال، ۲ عدده نارینه پټو، ۲ عدده بکسونه او ۲ عدده د هلکانو او نجونو ژمنۍ خولۍ ووېشل شوې. 

مرسته‌ اخیستونکو کورنیو د مرستو په ترلاسه کولو سره خوښي څرګنده کړه چې پر وخت یې زموږ ستونزو ته رسېدنه وکړه او له پېښو سره د مبارزې آمادګۍ ریاست او د ماشومانو د ملاتړ موسسه څخه یې مننه او قدرداني وکړه.

نېټه:۱۴۴۷/۶/۲۰ هـ ق

له پېښو سره د مبارزې آمادګۍ ملي اداره