د بدخشان ولایت له پېښو سره د مبارزې آمادګۍ ریاست ۸۵ اجباري راستنېدونکو کورنیو ته خوراکي او غیر خوراکي مرستې ووېشلې
د بدخشان ولایت له پېښو سره د مبارزې آمادګۍ ریاست د یاد ولایت په مرکز فیض آباد کې ۸۵ اجباري راستنېدونکو کورنیو ته له سروې وروسته د خوراکي او غیر خوراکي توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۲ بورۍ ۵۰ کیلویي اوړه، ۲ بورۍ ۲۵ کیلویي وریجې، د ماشومانو یو بلوز جامې، یو عدد توپ، یو د نارینه زیر پوښ جامې، یو جوړ جرابې، ۲ جوړه ګازي چپلکې، یو د ماشومانو زیر پوښ جامې، یو باب خېمه، یوه تخته ګازي بړستن او دوه عدده دسته کلند ووېشل شول.
نېټه: ۱۴۴۷/۴/۱۳ هـ ق
له پېښو سره د مبارزې آمادګۍ ملي اداره
