د بادغیس ولایت له پېښو سره د مبارزې آمادګۍ ریاست ۲۶۴ کورنیو ته ۳,۹۰۳,۵۰۴ افغانۍ نغدي مرستې ووېشلې
د بادغیس ولایت له پېښو سره د مبارزې آمادګۍ ملي ادارې او د رازي پراختیایي او ټولنیزې موسسې ترمنځ د لاسلیک شوي هوکړه لیک له مخې، د بادغیس ولایت له پېښو سره د مبارزې آمادګۍ ریاست د یادې موسسې په مرسته د دې ولایت په جوند ولسوالۍ کې ۲۶۴ کورنیو ته نغدي مرستې ووېشلې.
د یادولو وړ ده، چې د هلپ جرمني موسسې په ملاتړ د رازي موسسې له لارې، هرې کورنۍ ته ۱۴,۷۸۶ افغانۍ ووېشل شوې، چې ټولټال د یاد شمېر کورنیو لپاره ۳,۹۰۳,۵۰۴ ( ٣ میلیونه، ٩٠٣ زره او ٥٠٤ ) افغانۍ ځانګړې شوې وې.
نېټه: ١٤٤٦/٨/٢٥
له پېښو سره د مبارزې آمادګۍ ملي اداره
