د نیمروز ولایت له پېښو سره د مبارزې آمادګۍ ریاست ۲۵۱ زیانمنو کورنیو ته خوراکي او غیر خوراکي مرستې ووېشلې
د نیمروز ولایت له پېښو سره د مبارزې آمادګۍ ریاست د یاد ولایت په دلارام ولسوالۍ کې د وروستیو سېلابونو له امله ۲۵۱ زیانمنو شویو کورنیو ته له سروې وروسته د خوراکي او غیر خوراکي توکو مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۵۰ کیلو اوړه، ۵ کیلو بوره او نیم کیلو چای ووېشل شو، همدارنګه له یاد شمېر کورنیو څخه ۴۰ کورنیو ته چې ډېرې زیانمنې شوې وې په پورتنیو مرستو سربېره هرې کورنۍ ته یو باب خېمه او یوه پایه چپرکټ هم ووېشل شو.
د یاد ولایت له پېښو سره د مبارزې آمادګۍ ریاست مسؤلینو ډاډ ورکړی، چې د طبیعي پېښو له امله زیانمنو شویو کورنیو ته به د هغوی د اړتیاوو د پوره کولو لپاره خپلې هڅې دوامداره وساتي.
نېټه: ۱۴۴۷/۱۱/۱۲ هـ ق
له پېښو سره د مبارزې آمادګۍ اداره
