د بادغیس ولایت له پیښو سره د مبارزې آمادګۍ ریاست ۱۰۹ سیلاب ځپلو کورنیو ته خوراکي مرستې ووېشلې
له پېښو سره د مبارزې آمادګۍ ادارې او د افغان ښځو د ټولنیزو خدمتونو موسسې (WASSA) ترمنځ د لاسلیک شوي هوکړهلیک له مخې، چې د پروژې تمویلوونکی یې د خوړو نړیوال پروګرام (WFP)، د بادغیس ولایت له پېښو سره د مبارزې آمادګۍ ریاست د یادې مؤسسې په تخنیکي ملاتړ، ۱۰۹ کورنیو ته، چې د یاد ولایت په قادس او دره بوم ولسوالیو او مرکز کې د وروستیو سیلابونو له امله زیانمنې شوې وې، له سروې وروسته خوراکي مرستې ووېشلې.
په دې بهیر کې هرې مستحقې کورنۍ ته د مسولینو په شتون کې، ۱۰۰ کیلو اوړه، ۱۰ لیټره غوړي، ۱۲.۵ کیلو دال او ۱ کیلو مالګه ووېشل شوه.
نېټه:۱۴۴۷/۱۱/۰۶ هـ ق
له پېښو سره د مبارزې آمادګۍ اداره
