د کندهار ولایت له پېښو سره د مبارزې آمادګۍ ریاست ۲۷۹ زیانمنو کورنیو ته خوراکي او غیر خوراکي مرستې ووېشلې 

د کندهار ولایت له پېښو سره د مبارزې آمادګۍ ریاست د IOM ، WFP ، Intersos او UNFPA دفترونو په ملاتړ، د وروستیو سختو بارانونو د ورېدو له امله ۲۷۹ زیانمنو کورنیو ته له سروې وروسته خوراکي او غیر خوراکي مرستې ووېشلې.   

په دې لړۍ کې د مسؤلینو په شتون کې د IOM دفتر له لوري هرې کورنۍ ته ۳ تختې توشکې، ۱ عدد سولري څراغ، یو د پخلنځي کیټ او همدارنګه ۴۲ کورنیو ته خېمې، د WFP دفتر لخوا د HOPA مؤسسې په تخنیکي همکارۍ هرې کورنۍ ته ۲۰۰ کیلو اوړه، ۲۰ لیټره غوړي، ۲۵ کیلو دال نخود، ۴۲ بستې بیسکویټ او ۲ کیلو مالګه، د UNFPA مؤسسې له لوري هرې کورنۍ ته ۲ تختې ترپال او د Intersos مؤسسې له لوري هرې کورنۍ ته روغتیایي بستې ووېشل شوې. 

نېټه: ۱۴۴۷/۱۰/۲۷ هـ ق

له پېښو سره د مبارزې آمادګۍ ملي اداره