د کونړ ولایت له پېښو سره د مبارزې آمادګۍ ریاست ۶۴۲ کورنیو ته نغدې، خوراکي او غیرخوراکي مرستې وووېشلې
د کونړ ولایت له پېښو سره د مبارزې آمادګۍ ریاست د SCI او د PU-AMI موسسې په مالي همکارۍ، د یاد ولایت اړوند د یو روزنتون یتیمانو، بې سرپرسته او د پاکستان د بریدونو له امله بېځایه شویو ۶۴۲ کورنیو ته له سروې وروسته نغدې، خوراکي او غیرخوراکي مرستې وووېشلې
په دې بهیر کې د مسؤلینو په شتون کې له یادې جملې ۳۴۱ کورنیو هرې یوې ته د SCI موسسې له لوري ۱۰,۷۰۰ افغانۍ او ټولټال درې میلیونه او شپږ سوه او اته څلوېشت زره او اووه سوه (۳,۶۴۸,۷۰۰) افغانۍ ووېشل شوې، همدرانګه له پېښو سره د مبارزې آمادګۍ ریاست له لوري د یو روزنتون ۱۰۱ یتیمانو هر یو ته د ۱۴ ډوله خوراکي توکو یو کېټ، ۱ کارټن خرما او څو قطۍ نور خوراکي توکي او د PU-AMI موسسې له لوري ۲۰۰ کورنیو هرې یوې ته د حفظ الصحې ۱ کېټ ووېشل شو.
نېټه:۱۴۴۷/۹/۲۹ هـ ق
له پېښو سره د مبارزې آمادګۍ ملي اداره
