د کنړ ولایت له پېښو سره د مبارزې آمادګۍ ریاست ۴۷۹ زلزله ځپلو کورنی ته غیر خوراکي مرستې ووېشلې
له پېښو سره د مبارزي امادګۍ ملي اداري او د اسلامي هوسایني نړيوالي موسيسي ( IRW ) ترمنځ د لاسلیک شوي هوکړه لیک له مخې، د کنړ ولایت له پېښو سره د مبارزې آمادګۍ ریاست د یادې مؤسسې په مالي ملاتړ، د دې ولایت په نورګل ولسوالۍ کې ۴۷۹ زلزله ځپلو کورنیو ته له سروې وروسته خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ژمنۍ البسې او د پخلنځي کېټونه ووېشل شول همدارنګه ۵۳ هغو کورنیو ته چې سرپناه یې نه درلوده خېمې او دوه تختې ترپالونه هم ووېشل شول.
نېټه: ۱۴۴۷/۸/۰۳ هـ ق
له پېښو سره د مبارزې آمادګۍ ملي اداره
