د فراه ولایت له پېښو سره د مبارزې آمادګۍ ریاست ۵۰ تنه ماشومانو ته له چاودېدونکو توکو څخه د خوندیتوب زده کړې ترسره کړې
د فراه ولایت له پېښو سره د مبارزې آمادګۍ ریاست د DRC ماین پاکۍ مؤسسې په مرسته، د یاد ولایت په شمالګاه کلي کې ۵۰ تنه ماشومانو ته د چاودېدونکو توکو او له هغو سره د مخ کېدو په اړه اړینې زده کړې ترسره کړې.
دا زده کړه ییز پروګرامونه په زیانمنو سیمو کې د ماشومانو د پوهاوي لوړولو او د هغوی د خوندیتوب د تأمین لپاره ترسره شول، چې پکې د چاودېدونکو توکو د خطرونو پېژندنه او د هغو له امله د پېښو د مخنیوي لارې چارې شاملې وې.
مسؤلینو ټینګار وکړ، چې د داسې تعلیمي پروګرامونو پلي کول د چاودېدونکو توکو له امله د مرګژوبلې په کمولو کې مهم رول لري، په ځانګړي ډول د ماشومانو ترمنځ، او دا لړۍ به په راتلونکي کې هم دوام ولري.
نېټه: ۱۴۴۷/۰۶/۲۷ هـ ق
له پېښو سره د مبارزې آمادګۍ ملي اداره
