د کنړ ولایت له پېښو سره د مبارزې آمادګۍ ریاست د پاکستان د وروستۍ جګړې ۳۴ قرباني کورنیو ته نغدي مرستې ووېشل شوې
له پېښو سره د مبارزې آمادګۍ ملي ادارې د مقام د لارښوونې له مخې، د کنړ ولایت له پېښو سره د مبارزې آمادګۍ ریاست د پاکستاني ځواکونو د راکټونو د حملو له امله ۳۴ قرباني شویو کورنیو ته نغدي مرستې ووېشلې.
دا مرستې په دانګام، اسمار، ناړۍ او غازي آباد سرحدي ولسوالیو کې ووېشل شوې، چې پکې ۲۹ د ټپیانو او ۵ د شهیدانو کورنیو شتون درلود، چې هر ټپي ته ۱۰ زره افغانۍ او هر شهید ته ۲۰ زره افغانۍ نغدي مرستې ووېشل شوې.
د مرستو د وېشلو لړۍ د کنړ ولایت د استازې او له پېښو سره د مبارزې آمادګۍ ریاست د رئیس، مولوي محمد مبین مفتون په شتون کې ترسره شوه.
سیمه ییزو مسؤلینو وویل چې دا مرستې په بیړني ډول او د وروستیو بریدونو له امله زیانمنو شویو کورینو ته د رسېدنې په موخه ووېشل شوې. همدارنګه نورو زیانمنو شویو کورنیو ته د مرستو رسولو په موخه د ارزونې او ثبت لړۍ دوام لري.
نېټه: ۱۴۴۷/۰۵/۲۷ هــ ق
له پېښو سره د مبارزې آمادګۍ ملي اداره
