د کندز ولایت له پېښو سره د مبارزې آمادګۍ ریاست ۱۳۰۸ مستحقو کورنیو ته خوراکي مرستې ووېشلې

له پېښو سره د مبارزې آمادګۍ ملي ادارې او د ASIO مؤسسې ترمنځ د لاسلیک شوي هوکړه لیک له مخې، چې د پروژې تمویلوونکی یې د خوړو نړیوال پروګرام WFP دی، د دې ولایت په دشت ارچي ولسوالۍ کې ۱۳۰۸ مستحقو کورنیو ته له سروې وروسته د خوراکي توکو مرستې ووېشلې. 
په دې لړۍ کې هرې کورنۍ ته د مسؤلینو په شتون کې، ۲ بورۍ ۲۵ کیلویي اوړه، ۵ لیټره غوړي، ۶.۲ کیلو دال نخود، ۰.۵ کیلو مالګه، ۳ کیلو سوپر سیریل او ۳۰ پاکټه پلمپي ( خوراکي مواد ) ووېشل شول. 
د یادونې وړ ده، چې د یاد ولایت له پېښو سره د مبارزې آمادګۍ ریاست مسؤلینو له اړوندو بنسټونو څخه مننه او قدردانی وکړ او همداراز یې له هغوی څخه په راتلونکي کې د ورته مرستو د کولو هیله څرګنده کړه. 

نېټه: ۱۴۴۷/۷/۲۳ هـ ق 
له پېښو سره د مبارزې آمادګۍ ملي اداره