د ماین پاکۍ چارو د انسجام او همغږۍ ریاست په افغانستان کې د ماین پاکۍ موسسو د ټیم لیډرانو او د عملیاتي مسؤلینو په ګډون بېړنیو پېښو ته د ځواب وینې د مسؤولیتونو په اړه یو ورځنی ورکشاپ ترسره کړ
له پېښو سره د مبارزې آمادګۍ ملي ادارې د ماین پاکۍ د انسجام او همغږۍ ریاست په همغږۍ، بېړنیو پېښو ته د ځواب وینې د مسؤلیتونو په اړه یو ورځنی ورکشاپ، په افغانستان کې د ماین پاکۍ موسسو د ټیم لیډرانو، د عملیاتو مسؤلینو، د ماین پاکۍ د پروګرام تخنیکي دفتر، بېړنیو پېښو ته د ځواب وینې د ټیمونو مسؤلینو، د یاد ریاست د رئیس او لوړپوړو مدیرانو په ګډون د ماین پاکۍ د پروګرام د غونډو په تالار کې ترسره شو.
ورکشاپ د قرآن کریم د مبارکو آیتونو په تلاوت سره پیل شوه.
د پروګرام په پیل کې د ماین پاکۍ چارو د انسجام او همغږۍ رئیس، محترم قاري نورالدین رستمخېل، ګډونوالو ته د ښه راغلاست ترڅنګ د پروګرام پر اهمیت خبرې وکړې او د موسسو له مسؤلینو او کارکوونکو څخه یې مننه وکړه چې د پروګرام د لا ښه والي او د چارو د همغږۍ په موخه یې په دې پروګرام کې فعال ګډون وکړ.
ورپسې، د پروګرام ګډونوالو بېړنیو پېښو ته د ځواب وینې ټیمونو د ټیم لیډرانو د دندو، د ټیم ليډرانو د ظرفیت لوړولو اړوند اقداماتو، بېړنیو پېښو ته د ځواب وینې ټیمونو د ورځني، اوونیزو او میاشتنیو پلانونو د ترتیب او پلي کېدو او په ۲۴ ساعته ډول بېړنیو پېښو ته د ځواب وینې، د راپورونو د تنظیم او د ماین پاکۍ د انسجام او همغږۍ ریاست ته وړاندې کولو په تفصیلي بحث او د نظرونو تبادله وکړه.
ورکشاپ د ماین پاکۍ د پروګرام د اړوندو ادارو، لوړپوړو مسؤلینو، ټیم لیډرانو، تخنیکي دفتر او د ماین پاکۍ د انسجام او همغږۍ ریاست ترمنځ د همکارۍ په فضا کې پای ته ورسېد.
نېټه: ۱۴۴۷/۰۴/۰۹ هـ ق
له پېښو سره د مبارزې آمادګۍ ملي اداره
