د ننګرهار ولایت له پېښو سره د مبارزې آمادګۍ ریاست ۱۷۸ زلزله ځپلو کورنیو ته خوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست د خوړو نړیوال پروګرام WFP په مالي ملاتړ، د دې ولایت د دره نور او کوزکنړ ولسوالیو اړوند بېلابېلو کلیو کې د وروستۍ زلزلې له امله زیانمنو کورنیو ته د یو میاشت لپاره خوراکي مرستې ووېشلې.
په ټوله کې ۱۳۶ کورنیو ته په دره نور ولسوالۍ کې او ۴۲ کورنیو ته په کوزکنړ ولسوالۍ کې خوراکي توکي ووېشل شول.
د مرستو په دې لړۍ کې هرې کورنۍ ته د مسؤلینو په شتون کې، ۱۰۰ کیلو اوړه، ۹.۱ کیلو غوړي، ۱ کیلو مالګه او ۱۲.۵ کیلو دال ووېشل شول.
د مرستو ترلاسه کوونکو کورنیو له پېښو سره د مبارزې آمادګۍ ریاست او WFP څخه مننه وکړه او خوښي یې څرګنده کړه چې په خپل وخت یې دوی ته رسېدنه وکړه.
نېټه: ۱۴۴۷/۰۳/۱۷ هـ ق
له پېښو سره د مبارزې آمادګۍ ملي اداره
