د خوست ولایت له پېښو سره د مبارزې آمادګۍ ریاست ٥١ کورنیو ته غیر خوراکي مرستې ووېشلې
د خوست ولایت له پېښو سره د مبارزې آمادګۍ ریاست، د IOM او UNICEF سازمانونو په ملاتړ، د وروستیو بارانونو او سېلابونو له امله زیانمنو شویو ٥١ کورنیو ته له سروې وروسته غیر خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ٣ تختې کمپلې، ١ تخته پلاستیکي فرش، ٢ عدده سولري څراغونه او یو هایجن کیټ ووېشل او همداراز څلور کورنیو ته چې کورونه یې په بشپړه توګه ویجاړ شوي وو، هرې کورنۍ ته یوه پایه معیاري خېمه هم ووېشل شوه.
نېټه: ۱۴۴۷/۲/۱٩ هـ ق
له پېښو سره د مبارزې آمادګۍ ملي اداره
