د لوګر ولایت له پېښو سره د مبارزې آمادګۍ ریاست ١٠٣ کډوالو کورنیو ته خوراکي او غیر خوراکي مرستې ووېشلې
د لوګر ولایت له پېښو سره د مبارزې آمادګۍ ریاست، د دې ولایت په شپږ بېلابېلو ولسوالیو کې له ګاونډیو هېوادونو څخه په اجباري توګه راستنو شویو ١٠٣ کورنیو ته له سروې وروسته خوراکي او غیر خوراکي مرستې ووېشلې.
په دې لړۍ کې د مسؤلینو په شتون کې، هرې کورنۍ ته ٢ بورۍ ٢٥ کیلویي وریجې، ١ عدد پلاستیکي سطل او ٢ تختې کمپلې ووېشل شوې.
د مرستو د وېشلو په لړۍ کې، له پېښو سره د مبارزې آمادګۍ رییس کډوالو کورنیو ته ښه راغلاست وویل او زیاته یې کړه چې د اسلامي امارت او د دې ریاست مسؤلین راستنېدونکو کورنیو ته پر وخت رسېدنه کوي.
د یادونې وړ ده، چې د مرستو ترلاسه کوونکو کورنیو د مرستو د ورکولو په پار خوښي څرګنده کړه.
نېټه: ۱۴۴۷/۱/۲۵هـ ق
له پېښو سره د مبارزې آمادګۍ ملي اداره
