د فاریاب ولایت په بلچراغ ولسوالۍ کې د استنادي دېوال د جوړېدو کار بشپړ او ګټې اخېستنې ته وسپارل شو
د فاریاب ولایت له پېښو سره د مبارزې آمادګۍ ریاست، د بلچراغ ولسوالۍ په چهاربید کلي کې د ۸۰ متره په اوږدوالي او ۳ متره په لوړوالي استنادي دېوال د یو شمېر سیمه ییزو مسؤلینو په شتون کې رسماً ګټې اخیستنې ته وسپاره.
دا پروژه د سېلابونو د خطرونو او زیانونو کمولو، د هستوګنیزو کورونو او د کرنیزو ځمکو د ساتنې په موخه د یو میلیون (۱,۰۰۰,۰۰۰) افغانیو په لګښت، د عالیقدر امیرالمؤمنین حفظ الله د حکم پر بنسټ، له پېښو سره د مبارزې آمادګۍ ملي ادارې له لوري تمویل او د قراردادي شرکت لخوا بشپړه شوه.
د فاریاب ولایت له پېښو سره د مبارزې آمادګۍ ریاست مسؤلینو، د ځایي زیربناوو د پیاوړتیا او د طبیعي پېښو پر وړاندې د ټولنې د زغم وړتیا په لوړولو کې د دې پروژې پر ارزښت ټینګار وکړ.
په پای کې د سيمې اوسېدونکو د دې پروژې له پلي کولو څخه خوښي وښوده او د خلکو د ځان او مال د ساتنې په برخه کې یې له پېښو سره د مبارزې آمادګۍ ملي ادارې له هڅو مننه او قدرداني وکړه.
نېټه: ۱۴۴۷/۱/۲۰ هـ ق
له پېښو سره د مبارزې آمادګۍ ملي اداره
