د بغلان ولایت په برکه ولسوالۍ کې د اوبو رسونې دوه شبکې بشپړې او ګټې اخیستنې ته وسپارل شوې
له پېښو سره د مبارزې آمادګۍ ملي ادارې او د اکټیډ (ACTED) مؤسسې ترمنځ د لاسلیک شوي هوکړهلیک له مخې، د بغلان ولایت د برکه ولسوالۍ په نورمحمد زيولي او اسلامدره کلیو کې د اوبو رسونې دوه شبکې بشپړې او رسماً ګټې اخیستنې ته وسپارل شوې.
یاده پروژه د بغلان ولایت له پېښو سره د مبارزې آمادګۍ ریاست په همغږۍ او د اکټیډ مؤسسې په مالي ملاتړ پلي شوې ده، چې په پلي کېدو سره یې شاوخوا ۳۰۰ کورنیو ته د څښاک پاکو اوبو ته د لاسرسي ستونزه حل شوې ده.
د یادونې وړ ده چې د سیمې اوسېدونکو د دې پروژې د عملي کېدو له امله خوښي وښوده او د ادارې او همکارې مؤسسې له مسؤلینو څخه یې قدرداني وکړه.
نېټه: ۱۴۴۶/۱۱/۱۲ هـ ق
اداره ملي آمادګي د پېښو سره د مبارزې لپاره
