د میدان وردګ ولایت له پېښو سره د مبارزې امادګی ریاست ۱۰۰ بابه خېمې په تورخم کې په اجباري توګه راستانه شویو د کډوالو پنډغالي ته انتقال کړې
له پېښو سره د مبارزې آمادګۍ ملي ادارې د سرپرست په لارښوونه، د میدان وردګ ولایت له پېښو سره د مبارزې آمادګی ریاست لخوا د یاد ریاست له ګدام څخه ۱۰۰ بابه خېمې د پاکستان هېواد له لوري په دې وروستیو کې په اجباري توګه د راستانه شویو کډوالو لپاره په تورخم کې جوړ شوي پنډغالي ته انتقال شوې.
له پېښو سره د مبارزې آمادګۍ رییس مولوی فیض الله جلالي ووېل، چې د راستانه شویو کډوالو سره د مرستو لپاره چمتو یو او له نورو هیوادوالو یی هم وغوښتل چې د کډوالو سره خپلی مرستی ونه سپموی.
نېټه:۱۴۴۶/۱۰/۱۷ هــ ق
له پېښو سره د مبارزې آمادګۍ ملي اداره
