د ننګرهار ولایت له پېښو سره د مبارزې آمادګۍ ریاست ٥٩٣ بېوزله کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د Arada موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د ګوشتی ولسوالۍ اړوند ٥٩٣ بېوزله کورنیو ته له سروې وروسته نغدي مرستې ووېشلې.
په دې لړۍ کې، هرې کورنۍ ته د درېم پړاو لياره ٢٩٤٠ افغانۍ د خوراکي توکو د پېرلو په موخه د مسؤلینو په شتون کې ووېشل شوې، چې ټولټال ١,٧٤٣,٤٢٠ ( ١ ملیون، ٧٤٣ زره او ٤٢٠ ) افغانۍ د یاد شمېر کورنیو لپاره ځانګړې شوې وې.
د یادونې وړ ده، چې یادې مرستې د وچکالۍ له امله زیانمنو شوو کورنیو ته ورګړل شوې.
نېټه: ۱۴۴۶/٨/١٩
له پېښو سره د مبارزې آمادګۍ ملي اداره
