له پیښو سره د مبارزې آمادګۍ ملي ادارې او میهن د ځوانانو ټولنیزي موسسې تر منځ د ګډو همکاريو هوکړه لیک لاسلیک شو
نن ورځ چهار شنبه، له پیښو سره د مبارزې امادګي ملي ادارې سرپرست محترم الحاج ملا نورالدین ترابي او د میهن د ځوانانو ټولنیزې موسسې مرستیال ابراهیم سحر د اړیکو مسؤل ذبیح الله صافی او د پروګرامونو مسؤل سمیع الدین عمار سره ترمنځ د ګډو همکاریو هوکړه لیک لاسلیک شو.
ترابي صاحب د میهن د ځوانانو ټولنیزي موسسې راغلي پلاوي ته په ښه راغلاست سره ووېل چي، موسسې نه یوازي د ماین پاکۍ بلکي په هره برخه کې افغان ولس ته عامه پوهاوۍ ورکړی ترڅو د پېښو خطرونو څخه وژغورل شي.
همدارنګه ترابي صاحب وویل په هر ولایت کي چې مؤسسې خلکو ته عامه پوهاوۍ، د مرستو وېش، سروې، او یاهم نوري مرستي ورسره کوي او موږ ورسره د دولت په اصولو او چوکاټ کي پوره همکاره یو او د یادې ادارې ریاستونه په هر ولایت کي شتون لري.
د میهن د ځوانانو مؤسسې مرستیال ابراهیم سحر وویل چي، ۲ کاله کیږي چي یادي مؤسسې فعالیت پیل کړی دی او د ۱۷۷،۱۶۰ امریکایي ډالرو په ارزښت په لغمان او ننګرهار کي د چاودیدونکو توکو څخه د ژغورلو په موخه ۶۵۲۰۰ کسانو ته به عامه پوهاوۍ ورکړل شي.
په پای کې دواړو لورو د ګډو همکاریو هوکړه لیک لاسلیک کړ.
نېټه: ۷/۴/۱۴۴۶
له پېښو سره د مبارزې آمادګۍ ملي اداره
