په ننګرهار ولایت کې د پېښو خطرونو کمولو، وقایې او ځواب وینې ورکشاپ ترسره شو
له پېښو سره د مبارزې آمادګۍ ملي ادارې د HHRD موسسې سره په همکاري، د ننګرهار، لغمان، کونړ، نورستان ولایاتو له پېښو سره د مبارزې آمادګۍ ریاستونو کارکونکو او د یادې موسسې رضاکارانو لپاره په ننګرهار ولایت کې "د پېښو خطرونو کمولو، وقایې او ځواب وینې" ترنامه لاندې درې ورځنۍ ورکشاپ ترسره کړ.
په دغه درې ورځنۍ ورکشاپ کې د پېښو او ډولونو په اړه یې، د طبیعي پېښو لکه، سېلاب، د ځمکې ښوېدنه، د واورې ښوېدنه، زلزله، د ډبرو ښوېدنه، اورلګېدنه او د بیولوژیکي پېښو او اغېزو په اړه یې خبرې وشوې.
د یادونې وړ ده چې، د یادې موسسې لخوا د ننګرهار، لغمان، نورستان او کونړ ولایتونو له پېښو سره د مبارزې آمادګۍ ریاستونو لپاره د لټون او ژغورنې یو کېټ هم ووېشل شو.
د دغه ورکشاپ موخه په اضطراري حالاتو کې د بېړنیو اقداماتو لپاره د ولایتي کارکونکو د پوهاوي کچې لوړول ده.
نېټه: ۳/۴/۱۴۴۶
له پېښو سره د مبارزې آمادګۍ ملي اداره
